Bjørnsund - veke 20 2008
8. klasse har den førre veka vore på leirskule på Bjørnsund. Det vart ei svært kjekk veke som etterlet mange inntrykk hjå alle. Vi fekk mykje krabber og sei, ei brosme, 4 skater/rokker, 2 rognkallar, ei lita kveite og mykje meir. I tillegg fikk vi mange illsinte måke-mammaer etter oss, vi fikk lære å ro, vi fikk sjå Ergan kystfort, vi "fikk" sove lite og vi fikk sjekka om der var kjekke gutar/jenter frå Ringsaker kommune (og det var det ;-) ).  Einaste strek i rekninga var at det var for kaldt til å kunne bade i sjøen - uten å fryse i hel.

Vi vil elles nytte høvet til å takke alle som jobba ved leirskulen for at dei gjorde veka til ei oppleving for livet. Dersom  du vil sjå bilder så finn du dette på Bjørnsund leirskule sine sider.
19.05.08 pjn

Ivrige livreddarar
Kva gjer du om du møter ein situasjon der det står om liv?
10. klasse fikk i dag drille livredning.
Mellom anna fikk dei lære kontroll av pust/puls, ringe hjelp, hjerte/lungeredning og stabilt sideleie.
Interessa i gruppa for å lære om dette var imponerande.

...29.01 tej

Juleturnering i landhockey.
Tradisjonen tru arrangerte 10. klasse også i år landhockeyturnering for ungdomsskulen siste skuledagen før jul.
Dei overlykkelige vinnarane av årets turnering heiter "Nils Johans" og "Royal girls". Dei får nok ei frydefull jul.
På denne sida kan du finne både bilete (mørke riktignok) og resultatliste.
 

20.12.07tej

Juleball
Fredag 14. des. arrangerte 10. klasse juleball for ungdomssteget. Det vart ein svært stilig kveld med mykje gallakledd ungdom tilstades.
Etter eit betre måltid var det lett underhaldning med "Beat for Beat light", dans, singstar, guitar-hero mm. Som vanleg var det også lagt opp til fotografering av dei stilige unge. Nokre av dei lekre bileta kan du sjå her. Resten finn du på O-stasjonen lokalt på skulen.
...17.12.07 pjn/tej
 

Leit fram skøytene dine!
Det har dei siste dagane blitt laga skøyteis på asfalten bak samfunnshuset.
Den er no klar til bruk, så da er det berre for deg å få leita fram skøytene og kome deg ut på glattisen.
Isen er open for alle etter skuletid. Actionbilete frå dag 2 med is.

 

... 07.01.08 pjn/tej

Valldal Open i sjakk.
17. desember gikk juleturneringa Valldal Open for 9.klasse av stabelen. Erfaringane frå sjakk er svært ulike i klassa. Nokre kan knapt reglane, mens andre til og med har vore medlem av sjakklubb!!! Sjølv om nivået varierte var alle svært konsentrert.
Her kan du sjå årets vinnarar.
Fleire bilete.

...18.12.07tej

Operasjon Dagsverk 2007
Det er nok ein gong klart for Operasjon Dagsverk for elevane på ungdomssteget. Elevane våre skal da ut for å gjere eit dagsverk til inntekt for årets prosjekt fredag 26. oktober. Dei fleste har no fått seg arbeid, men nokre få manglar enda ein arbeidsgivar for dagen. Vi håper at du tek kontakt dersom du er ein av dei som kan stille på med arbeidsoppgåver til ein eller fleire av våre elevar.
...24.10.07 pjn

Her er vinnarane
av Gründercamp 2007. John Andreas, Robert, Per Gunnar, Inger Line og Anne Kristin. Juryen hadde vanskar med å finne fram til ein vinnar fordi alle gruppene hadde gjort eit svært  godt arbeid. Grynderane som gjekk av med 1. premien hadde teke føre seg vidareutvikling av Kraftmuseet i Tafjord. Du vil etterkvart finne meir om dette og om dei ulike prosjekta elevane arbeidde med desse dagane. Gründercamp 2007 er gjennomført i samarbeid med Fjordhagen og Ungt entreprenørskap. Du finn meir informasjon om dette her (pdf). Du vil elles finne stoff om denne veka på sidene til Fjordhagen, Tafjord Kraft (gå inn i nyheitsarkivet) og Storfjordnytt.

...20.09.07 pjn