Dokketeater på timeplanen

Sidan vi starta skuleåret i haust har klassane på mellomsteget jobba med dokketeater. Klassane har vore blanda 2 siste timane fredagane og vi har brukt  norsk og kunst og handverkstimar til prosjektet.

Elevane har ivrig laga eigne uttrykksfulle dokker til karakterane som vi kjenner att frå eventyra; "Tyrihans, Oskeladden og dei gode hjelparane, Snøkvit, Geitekillingen, Dei tre mostrene, og Keiserens nye klær."
I tillegg til å lage dokker har elevane lese manus, skrive replikkar, øvd inn replikkar og laga scenetepper, rekvisittar og kulisser. Mykje, mykje arbeid!

Prosjektet har blitt intensivert no i veke 8 for så å bli ferdig og avslutta med framsyningar. Vi har, så og seie, lagt ut på "teaterturnè" med framsyningar ikkje berre her på skulen og Syltebøen barnehage, men også over fjorden til Eidsdal skule og Dalsbygda skule og barnehage.
Som oppsummering må vi seie at dokketeateret vart svært vellukka og at vi har hatt innmari ivrige og flinke elevar. Sjå nokre flotte bilete under.   

                                                                                                                                                                      ...19.02.09 kkhz

Dobbeltklikk for å legge til fotografier

 

 

Besøk av ambulansen og politiet

På mellomsteget har vi denne veka jobba ein del med viktige hjelparar i samfunnet. Vi var så heldige å få Harald, Bente og Hillevi på besøk med ambulansen og politiet kom frå kontoret på Stranda. Elevane hadde laga flotte spørsmål om ting dei lurer på. Desse spørsmåla stilte dei sjølve, på ein fin måte.
Det er godt å vite at hjelpa er nær om noko hender - og kanskje er det også elevar som no har fått lyst til å utdanne seg innan desse yrka.

Dobbeltklikk for å legge til fotografier

5. klasse i snøen

Dobbeltklikk for å legge til fotografier

 

 

Kulturdag 2008
Tysdag 28. oktober møttest ca. 80 elevar frå 5. -7. klasse her på Valldal skule, frå alle 3 skulane i kommunen. Det var ein fin, arbeidssam og kjekk gjeng som denne dagen fekk gjere litt andre ting enn på ein vanleg skuledag. Aktivitetane varierte frå friluftsliv til origami, bildebehandling, nålefilting og tresløyd. Vi var godt hjelpte av flinke instruktørar, både eigne og utanfrå. T.d hadde vi besøk frå Friluftsrådet, ein utvekslingsstudent frå Japan og Einar Waldal. I matpausen fekk vi i tillegg god hjelp frå 3 Valldalsdamer; Rønnaug, Bjørg og Astrid. Dei hjalp oss med servering av graut som vi hadde bestilt frå Muritunet. Bilete frå dagen vil kome HER.

..30.10.08 kkhz

 

"Open dag"
Her er ein del bilete frå dagen;

...06.06.08 kkhz

Tradisjonsmatveka    

Tradisjonsmatveke vart halde på Valldal skule i veke 20. Dette var i regi av Prosjektet Matglede og Matmangfald.
Tema var flatbrødbaking og brennsnut.

Alle klassene som ville, kunne få prøve seg på å bake flatbrød. Tysdag 13. mai var det flatbrødbaking. Heile dagen vart brukt til dette, og vi laga til eit stort bakstebord i kantineområdet. 9.klasse var assistentlærarar i flatbrødbaking for lavare klasser. Dei var veldig flinke. Det vart mange elevar som var innom. Det var ein triveleg bakstedag.

Vi laga også brennsnut til fredagslunsjen. Elevar frå 9.klasse skar opp grønsaker som skulle i brennsnuten. 6. klasse skar opp resten på sine timar på kjøkkenet. Dei laga ferdig alle indgridiensane som skulle oppi slik at det var klart til å blande saman og koke opp på fredag.'

Lunsjen på fredag smakte godt! Det var gode tilbakemeldingar på at alle åt mykje brennsnut, og sjølvbaka flatbrød!

Dette var siste fredagslunsjen i dette skuleåret! Vi får sjå kva det blir til neste år!
 

...mai08kkhz

Dobbeltklikk for å legge til fotografier

 

Hoppetaudagen fredag 25. april

HER kan du lese meir og sjå bilete frå dagen.

...30.04.08kkhz

"Korleis fungerer ein motor?"

I 6. klasse stod det om bensinmotorar i læreboka. For å forklare dette stilte Bjarne villig opp på kort varsel. Alle elevane fekk innføring i korleis ein bil ser ut under panseret og korleis ein bensinmotor fungerer.

...21.02.08 kkhz

"Brann-besøk"
Torsdag 24. januar kom brannsjefen, i kommunen, og det interkommunale brannvesenet på besøk til 6. klasse. Skuleborna fekk instruksar om korleis dei skulle unngå brann og kva dei skulle gjere dersom det begynte å brenne. Nesten alle fekk prøve å slokke med pulverapparat.

...28.01.08 kkhz

Dobbeltklikk for å legge til fotografier

 

Godt nytt år!
Så er januar her og jule-/og nyttårsfeiring er vel overstått.
På mellomsteget er vi i full gang att. Eit par ting er vel verdt å nemne på heimesida.
No i veke 3 fekk vi nye matematikkbøker i hus, for 5., 6. og 7. klasse. Desse vert tatt i bruk allereie no. Læreverket heiter "Grunntal" og tilfredstiller måla i Kunnskapsløftet.
Ved å klikke på http://www.grunntall.no/IE/,  kan de finne meir om læreverket, for dei som vil sjå og vite litt meir.
I kunst-/og handverksfaget har alle klassane starta med "design" som tema,  spennande og utfordrande.

...16.01.08 kkhz

---

Kulturdag i Eidsdal
7. november, 2007, var elevane på mellomsteget over fjorden på kulturdag. Dette er eit årleg arrangement i kommunen. Annakvart år arrangerer vi på Valldal skule , enten for mellomsteget eller ungdomssteget. I år var vi i Eidsdal og ungdomsskuleelevane her på skulen. Kulturdagen er eit flott tiltak som inviterer til annleis kreativitet og samhandling mellom skulane og elevane. Under kan de sjå nokre bilete frå dagen.

...10.11.07 kkhz