Skuleruta 2013-2014
ligg no HER.              26.04.2013 .....kkhz                                         

Fine dagar ved fjorden
I eit nydeleg vårver, om enn med litt kjølig vind, er det fint å ferdast ved fjorden. No er tjelden på plass ved strandkanten, andeflokken sym rundt i elveosen, selja har fått småe knoppar og vi ser nokre få grøne stå strekkjer seg oppover og trassar både kulde og is. Vi ventar med iver på fleire vårteikn langs vegen vår. Her kjem bilete frå det vi fekk oppleve på turen vår.  22.04.2013 .....kkhz

"Har du høyrt"
Midt på dag siste skuledagen før påske var Sylte kyrkje fullsett av eit spent publikum. Småskulen viste fram påskespelet "Har du høyrt?" av Alf Ole Østebrøt. Elevane fortalde, song og dramatiserte påskeevangeliet på ein imponerande måte. Her er nokre fleire bilete frå framsyninga.           22.04.2013 .....kkhz

Søknad om skulefri
Søknad om lengre fritak frå undervisninga – meir enn 3 dagar.
Til no har søknader om lengre fritak frå undervisninga blitt søkt om på eige skjema (papir). Dette er det no slutt på. Skjemaet er no digitalisert, det vil seie at ein går inn på nettet og fyller ut elektronisk skjema som går direkte til vårt arkivsystem. Det vert så arkivert der og svara på av skulen via svarbrev. I det elektroniske skjemaet finn De same informasjon om fritaket som før, De må deretter fylle inn nødvendige opplysningar. De søkjer fri ein og ein elev, ikkje fleire i same skjema. Vi meiner utfyllinga skal gå greitt, berre ein har maskin og nett tilgjengeleg. Skulle det vere behov for hjelp til utfylling kan De ta kontakt med skulen v/Liv Marit Indreeide eller Kristin Kjerstad Håseth.
De finn skjemaet ved å gå inn på søknadssenteret, Norddal kommune sine nettsider; https://www.norddal.kommune.no/artikkel.aspx?MId1=630&AId=1638 Skjemaet har namnet ”Søknad om skulefri”. Det kjem også eigen link til søknadssenteret til venstre her på sida.                20.03.2013 .....kkhz

"Samson & Roberto"
Dramatisering etter boka til Ingvar Ambjørnsen.
Torsdag 14. mars var mellomsteget på tur til Ålesund for å gå på teater i Arbeideren. Dette som ledd i eit tilbod frå Teateret Vårt/Barnetetaret Vårt. Vi var så heldige å få gratis skyss og billettar.
Turen starta utover etter vanleg skuledag, 14.30. Så skuledagen vart ekstra lang denne torsdagen. Oppsummert hadde vi ein kjekk tur, med ein matbit før teateret - tilbakemeldingane frå elevane er gode. Det var kjekt både på tur og teater. Link der De kan sjå meir om teaterstykket.         15.03.2013 .....kkhz

Ut på ski
For tida er elevane våre aktive ute på ski. I tillegg til allereie avvikla turar, til Høghjellane og Stordal, er det skitrening på stadion i Valldal. Vi er så heldige å ha fått gratis skitrening og skyss frå langrennsgruppa. Kvar av klassane er tiltenkt 2 økter à 2 skuletimar med eigen instruktør. Veldig kjekt - Tusen takk!
Her finn du bilete frå småskulen sin tur til Høghjellane.             15.03.2013 ..kkhz

"Hjerte og smerte"
er tittelen på kabaret 2013. Det vert 2 framsyningar, fredag 15. og laurdag 16. februar. Fredag startar framsyninga kl. 19.00. Merk ein time tidlegare start laurdag, då kl. 18.00. Går du inn her finn du flygeblad med fullstendig informasjon.   12.02.2013 ..kkhz

Korslag 2013
På biletet ser De stolte og glade 5. klassingar som, trass sjukdom og få elevar, overbeviste og fekk besteprisen i Korslaget 2013. Publikumsprisen gjekk til 7. klasse. Alle 3 klassane viste god innsats og engasjement.  Alle klassane hadde mykje bra, både av song, dans/koreografi og kostyme. Og noko å jobbe vidare med til neste år. Sånn skal det vere. Flott innsats og ei kjekk stund!
                                                  11.02.2013 ..kkhz

Fylkesvinnar av "Telysjakten"
Sidan november har klassane på mellomsteget samla inn aluminium frå tomme telys. Dette som ledd i ein nasjonal konkurranse. 6. klasse gjorde ein så god jobb at dei vart beste klasse frå Møre og Romsdal. På biletet ser De stolte og glade elevar som har fått premiar for innsatsen; medaljar, diplom, sveivelommelykter og gåvekort à 500 kroner. Tusen takk! Her på nettsidene til Nrk Møre og Romsdal kan du lese meir.           08.02.2013 ..kkhz    

Tusen takk!
Fredag, 1. februar fekk klassane hyggeleg besøk av Fjørå helselag v/Ellinor Ruset og Else Rødal. Dei hadde med seg gåver til skuleelevane, kvar sin fotball til dei 10. klassane. Tidlegare har vi fått hoppetau frå helselaget. Dette som ledd i å fremje helse, aktivitet og trivsel. Tusen tusen takk frå glade elevar.                 01.02.2013 ..kkhz

Askeladden - "Absence crew"
I dag, torsdag 24. januar, var vi med på ei fantastisk framsyning her på skulen; "Askeladden på nye eventyr" framført av breakdans-gruppa Absence frå Bergen. Gruppa har, blant anna, vore med i "Dansefeber" og "Norske talenter". Framsyninga var spekka av teater, humor og imponerande dans. Framsyninga er i regi av Kultursekken Møre og Romsdal.    24.01.2013 ..kkhz

Juleturnering - landhockey
Like sikkert som at det blir jul så blir det også spela landhockey på ungdomssteget siste dag før juleferien. Her spelar ein om den heider og ære det ligg i å kunne kalle seg landhockeymeister resten av skuleåret. HER er meir om turneringa i tillegg til nokre bilete.          04.01.2013 ..kkhz

Juleball
Årets juleball vart ein suksess med heile 97 betalande, stivpynta ungdommar frå skular både i Norddal og på Stranda. På programmet stod middag, quiz, foto, disko og kåringar. 10. klasse har verkeleg stått på for å få til eit så flott arrangement. Her er nokre bilete frå kvelden.       12.12.2012 ..kkhz 

Animasjon
"4. klasse hadde animasjonskurs i regi av Den kulturelle skulesekken, 27. - 29. november. Dei laga flippbøker, film der dei forsvann gjennom veggen og flaug i lufta, film med pappfigurar og leire. Det var Kine Aune og Linda Wintervold som heldt kurset. Alle syntest dette var kjempekjekt og lærerikt. Filmane blei veldig flotte. HER kjem bilete.             10.12.2012 ..kkhz

Crazy look
Måndag 26. november arrangerte elevrådet på ungdomsskulen Crazy look-day. Her var elevar og lærarar samla, alle flotte i fargerike og kreative kostyme. Klassane og heile lærarstaben gjekk "catwalk" til musikk - til stor jubel frå publikum. Det vart også gjort ulike kåringar. Ei kjekk stund med ein litt annan vri.      10.12.2012 ..kkhz

"Morgendagens klassikere"
Ungdomsskulen hadde sist veke besøk av ei utstilling. Den viste nokre av dei mest spennande stolane som er laga det siste tiåret. Saman med biletkunstnaren Heidi Rødstøl fekk elevane ta i bruk og vurdere dei enkelte designa. Design er meir enn å sitje godt, og kor godt må ein eigentleg sitje? Elevane vart kjende med korleis ein designar tenkjer når eit møbel vert til, med mellom andre spørsmål som; kva skal stolen brukast til? Kvar passar han inn? Kva er han laga av? Kven kan tenke seg å kjøpe ein slik stol? Og ikkje minst; kva slags stol kunne du tenke deg?   15.11.2012 ..kkhz

Skuggeteater
For litt sidan jobba 6. klasse skuggeteater og fredag 2. november var det klart for framsyning. Det var fadderbarna i 2. klasse som vart inviterte til å vere publikum. Nysgjerrige og spente kom dei inn i klasserommet. 2. klassingane var flinke til å sitje stille og følgde godt med på dei to forteljingane som blei vist. Først fekk dei sjå "Geitekillingen som kunne telje til ti" og deretter "Dei tre mostrene". Etter applausen å dømme var dette ein stor suksess, eller to for å seie det heilt korrekt. Her er bilete. 15.11.2012 ..kkhz

"Regnmakerne"
Skulen vår er i år ein Regnmakarskule og 4.-7. klasse er involverte klassar. Gjennom året skal dei gjennomføre ulike oppgåver som har å gjere med miljø. I tillegg er dei så heldige å få vere med på eit storslått arrangemnet i Ålesund 13. juni 2013; Regmakardag / Vennergidag. Meir om dette vil kome HER. 31.10.2012 ..kkhz

Romfartsprosjekt
"Eg gler meg sjukt til å kome heim og gjere lekser" - dette er kanskje ikkje det vanlegaste vi høyrer når vekeplanen vert delt ut. I naturfag hadde 5. klassingane, denne veka, ei oppgåve der dei kunne skrive  eller konstruere og designe eit romskip. Dette gjorde at kreativiteten og skaparlysta blomstra. No står ein heil romstasjon til utstilling på biblioteket. Bilete kjem HER.   ..26.10.2012 ..kkhz

Refleksdagen
Onsdag 18. oktober vart årets refleksdag markert over heile landet. På Valldal skule vart dagen markert i forkant; torsdag 4. Eit vellukka arrangement med godt oppmøte. HER kan du sjå bilete frå arrangementet. På sjølve dagen, 18. oktober, fekk skulen besøk av Sparebanken Møre v/banksjefen. Han hadde med seg refleksband til alle elevar og vaksne v/skulen. Tusen takk for dei! Refleksbandet er designa av ein 18-årig skulelev v/Fagerlia vidaregåande skule; Helene Mjøs - dette ser du på biletet ovanfor. I desse mørke hausttider oppmodar vi ALLE, barn og vaksne, til å bruke refleks - dette for å bli sett og redusere tal på skadde i trafikken.

Tur - Litlelangdalen
10. klasse var i slutten av august på telttur i Litlelangdalen. Etter 3 og ein halv time med gåing fekk vi slått opp telta, i kraftig vind. Dag 2 brukte vi til ei lengre utflukt lenger fram i dalen. Siste morgonen fekk, enkelte heldige, oppleve ein reinsflokk på nært hald. HER er fleire bilete.
  ....13.08.2012 ..kkhz  

Valfag for 8. klasse
Då er 8. klasse i gang med dei nye valfaga; "Fysisk aktivitet og helse" og "Sal og Scene". Bileta HER er frå då vi trena på bruk av stormkjøkken og oppsetjing av telt. Teen smakte visst fortreffeleg.                                        28.08.2012 ..kkhz

Skulestart 2012-2013
Vel møtt til skulestart måndag 20. august kl. 08.30.
Nytt og revidert informasjonshefte ligg no tilgjengeleg HER, sjå elles link som kjem til venstre i menyen. Merk deg SÆRLEG endringar og viktig informasjon om skyss. I tillegg informasjon om overgang til nytt PPT-kontor.   13.08.2012 ..kkhz  

Skulerute 2012-2013
HER finn De skulerute for komande skuleår.       10.02.2012 ..kkhz

Verkar ikkje FirstClass som det skal?
Den automatiske oppdateringa til ny versjon verkar ikkje alltid. Du kan rette på dette sjølv gjennom å installere ny versjon frå denne linken: http://www.firstclass.no/Klienter/Klienter
Les instruksjonane nøye og sjå gjerne gjennom videoen på den aktuelle sida. Servernamnet du skal legge inn er
fc.skolekom.no 

Vi har fugl i fuglekassa
No kan du følgje med i spettmeisa sitt arbeid med å førebu egglegging og klekking av ungar. Vi er litt plaga med at ho tettar igjen opninga til kameraet, men håper det ikkje skjer igjen.
Her er ein link til sida. Vi har ikkje funne ei løysing utan litt reklame enno.   19.04.2012 ..mk

Stomp i Geiranger
I dag, 16. april, var det opning av Fylkestinget i Geiranger. I høve dette var 9. klasse inviterte til å underhalde med Stomp-prosjektet sitt. HER er ein filmsnutt frå framføringa.      16.04.2012 ..kkhz

Kabaret 2012
Ein flott gjennomført kabaret med mange frammøtte begge framsyningsdagane. Stor takk til elevar, lærarar på ungdomstrinnet og i kulturskulen, til friviljuge og til foreldre som har stått på for å gjere dette til eit vellukka arrangement.  Her kan du sjå bilde og nokre videoklipp frå dei to framvisingane. Skriv inn brukarnamnet og passordet du har på First Class når du blir spurd om dette.
..01.04.12..mk

"Lydvingens lydløse oppdrag"
Onsdag 29. februar var 1.-7. klasse på ei morosam teaterførestilling i regi av Kultursekken Møre og Romsdal. Elevar og vaksne kosa seg og latteren sat laust .          01.03.2012 ..kkhz



 

Startsider:
- Startsiden
- SOL
- NRK
- Skolenettet  
- Skoleporten
- European Schoolnet
- CIA WorlsFactbook